Vəkillər tikinti müqavilələri üzrə mübahisələrin həlli barədə məlumatlandırılıb
Bakı, 14 aprel, AZƏRTAC
Vəkillər Kollegiyası Akademiyasının təşkilatçılığı ilə “Tikinti müqavilələri üzrə mübahisələrin həlli” mövzusunda hibrid formada təlim keçirilib.
Kollegiyadan AZƏRTAC-a bildirilib ki, təlimdə Vəkillər Kollegiyası Akademiyasının elmi katibi Sona Xəlilli mövzunun aktuallığı, praktiki əhəmiyyəti ilə bağlı məqamlardan danışıb.
Təlimin əsas hissəsində Vəkillər Kollegiyasının üzvü Elcan Həsənli tikinti sahəsində yarana bilən hüquqi problemlər, podrat müqaviləsi mübahisələri, o cümlədən podratçı-sifarişçi münasibətləri, mübahisələrin həlli yolları və digər əlaqəli məsələlər barədə ətraflı çıxış edib.
Təlimçi tərəfindən müvafiq sahədə geniş təhlillər aparılıb və mövcud məhkəmə praktikasındakı işlər müzakirə edilib.
Sonda vəkillərin müvafiq sahədə çoxsaylı sualları cavablandırılıb.
Təlimdə Vəkillər Kollegiyasının 57 üzvü iştirak edib.
Bölmənin digər xəbərləri
