İDMAN
Velosiped Federasiyasının baş katibi: Gələn il iki böyük turnirdə uğurlu nəticələr qazanmaq istəyirik VİDEO
Bakı, 23 noyabr, AZƏRTAC
"Azərbaycan Velosiped Federasiyası (AVF) olaraq nailiyyətlərimizi daha da yaxşılaşdırmaq istəyirik".
Bu sözləri AZƏRTAC-a açıqlamasında AVF-nin baş katibi Elnarə Musayeva deyib.
Azərbaycanın iki velosipedçisinin Bolqarıstanın Plovdiv şəhərində keçirilən I Balkan çempionatında gümüş medal qazandığını xatırladan qurum rəsmisi bunun son olmayacağını bildirib: "İştirak etdiyimiz yarışlarda medalların sayını artırmaq istəyirik. Bildiyiniz kimi, qarşıda bizi gələn il Kamerunda təşkil olunacaq İslam Həmrəyliyi Oyunları və Azərbaycanda keçiriləcək III MDB Oyunları gözləyir. Sadaladığım turnirlərə ciddi şəkildə hazırlıq gedir. Məqsədimiz uğurlu çıxış etməkdir".
E. Musayeva velosipedin bütün növlərinin Azərbaycanda inkişaf etdirilməsi üçün mühüm işlər gördüklərini də diqqətə çatdırıb.
Bölmənin digər xəbərləri
