Volodimir Zelenski: Aprel ayından bəri Rusiya Ukraynaya qarşı 2800 bomba, 1400 PUA və 60-a yaxın raketdən istifadə edib
Kiyev, 14 aprel, AZƏRTAC
Aprel ayından bəri Rusiya ordusu Ukraynaya qarşı 2800 aviasiya bombası, 1400-dən çox zərbə dronu və 60-a yaxın müxtəlif tipli raketlərdən, o cümlədən ballistik raketdən istifadə edib.
AZƏRTAC xəbər verir ki, bu barədə “Meta” sosial şəbəkəsində Ukrayna Prezidenti Volodimir Zelenski məlumat verib.
“Rusiya terroru hər gün və hər gecə davam edir. Təkcə aprel ayından bəri Rusiya ordusu demək olar ki, 2800 aviasiya bombası atıb, əksəriyyəti “Şahed” tipli olmaqla 1400-dən çox zərbə dronu, o cümlədən ballistik də daxil olmaqla 60-a yaxın müxtəlif tipli raketlərlə zərbələr endirib”, - deyə Zelenski vurğulayıb.
Ukrayna Prezidentinin sözlərinə görə, Rusiyanın Sumı əyalətinə dünən endirdiyi ballistik raket zərbəsindən sonra hazırda əyalətin tibb müəssisələrində 9-u uşaq olmaqla 38 nəfər müalicə alır, 11 nəfərin vəziyyəti ağırdır, onlardan 3-ü uşaqdır. Yaralılara vaxtında yardım göstərmək üçün əlimizdən gələni edirik. Təkcə dünənki zərbədən 34 nəfər həlak olub, 119 nəfər xəsarət alıb. Təəssüf ki, iki uşaq həyatını itirib, 15 nəfər isə yaralanıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
