Bakı, 28 sentyabr, AZƏRTAC

Xidmətlər zərfinə daxil olan tibbi xidmətlərin sayının artırılmasından öncəki icbari tibbi sığorta təminatına alınmış 2 min 550 sayda tibbi xidmətin 80 faizi Tibbi Ərazi Bölmələrini İdarəetmə Birliyinin (TƏBİB) tabeliyində olan tibb müəssisələrində icra edilib.

AZƏRTAC xəbər verir ki, bunu TƏBİB-in icraçı direktoru Vüqar Qurbanov deyib. O qeyd edib ki, həmin tibbi xidmətlərə ambulator, laborator xidmətlər, fizioterapiya və reabilitasiya xidmətləri, stasionar terapevtik xidmətlər, həmçinin ilkin səhiyyə və təcili təxirəsalınmaz tibbi yardım xidmətləri daxildir. Eyni zamanda, TƏBİB-in tabeliyində icra edilməyən xidmətlər isə vətəndaşlara İcbari Sığorta üzrə Dövlət Agentliyi ilə müqaviləsi olan tibb müəssisələrinə TƏBİB-in tabeliyində olan tibb müəssisələri tərəfindən göndəriş vərəqəsi verilməklə təmin edilir.