“VURĞUN OCAĞI”NIN İŞIĞI... AZ.TV-DƏN DÜŞƏCƏKDİR
Birlikdən AZƏRTAC-ın müxbirinə demişlər ki, tanınmış rejissor Ələkbər Kazımovskinin çəkdiyi filmdə əsas süjet xətti xatirələr üzərində qurulmuşdur. Filmdə Səməd Vurğun ocağının odunu sönməyə qoymayanların – şairin həyat yoldaşı Xavər xanımın, qızı Aybəniz xanımın və oğlu Vaqif Səmədoğlunun indiyə qədər heç vaxt danışmadıqları xatirələri öz əksini tapmışdır. Eyni zamanda filmdə bu günə kimi efirdə səslənməyən və göstərilməyən, şairin ev-muzeyində qorunub saxlanılan kadrlardan da istifadə olunmuşdur. “Vurğun ocağı” filminin çəkilişləri Qazağın Yuxarı Salahlı kəndində, Səməd Vurğun ev-muzeyində və Azərbaycan Yazıçılar Birliyində aparılmışdır.
Qeyd olunmuşdur ki, hazırda film üzərində montaj işləri aparılır. Montaj işləri başa çatdıqdan sonra “Vurğun ocağı” Azərbaycan televiziyası ilə nümayiş etdiriləcəkdir.
Bölmənin digər xəbərləri
