Xarici işlər nazirinin müavini: Azad edilmiş ərazilərdə işlər BMT-nin dayanıqlı inkişaf planına uyğun aparılır
Bakı, 24 oktyabr, AZƏRTAC
Azad edilmiş ərazilərdə işlər BMT-nin dayanıqlı inkişaf planına uyğun aparılır.
AZƏRTAC xəbər verir ki, bu barədə xarici işlər nazirinin müavini Yalçın Rəfiyev “2023-cü il Qlobal Dayanıqlı İnkişaf Məqsədləri (DİM) Sammitinin Nəticələri və DİM-lərin həyata keçirilməsində Ali Audit Qurumlarının rolu” mövzusunda 3-cü DİM Dialoqunda deyib.
O bildirib ki, Azərbaycan 30 ilə yaxın işğal altında qalan torpaqlarını azad etdikdən sonra həmin ərazilərin bərpa və yenidən qurulmasının təmin edilməsini, insanların doğma yurdlarına geri qayıtmasını başlıca hədəf kimi qəbul edib.
"COVID-19 pandemiyasının hələ də davam etməsi, artan yoxsulluq, geosiyasi gərginliklər dayanıqlı inkişaf üzrə tərəqqini daha da geri salıb. Bu səbəbdən DİM üzrə hədəflədiyimiz yolun yarısındayıq", - deyə nazir müavini qeyd edib.
Bölmənin digər xəbərləri
