XARİCİ İŞLƏR NAZİRLİYİNİN NAXÇIVANDAKI İDARƏSİNİN RƏSMİ İNTERNET SƏHİFƏSİ YARADILMIŞDIR
AZƏRTAC xəbər verir ki, Azərbaycan Xarici İşlər Nazirliyinin Naxçıvandakı İdarəsinin rəsmi İnternet səhifəsi fəaliyyətə başlamışdır.
Yeni sayt www.dmfa.nakhchivan.az domen adı altında fəaliyyət göstərəcəkdir. Azərbaycan və ingilis dillərində təqdim olunan sayt müxtəlif rubrikalara bölünən 8 əsas bölmədən ibarətdir. İstifadəçilər bu rubrikalar vasitəsilə Naxçıvan Muxtar Respublikasının tarixi, coğrafiyası, idarəetmə sistemi, mədəniyyəti, iqtisadiyyatı, xarici əlaqələri və s. haqqında ətraflı məlumat ala bilərlər.
Saytın mətbuat və informasiya xidməti bölməsində xəbərlər, brifinqlər, müsahibələr, çıxışlar, elanlar və digər rubrikalar altında geniş və yenilənmiş informasiya bazası yerləşdirilmişdir.
Bölmənin digər xəbərləri
