Bakı, 1 sentyabr, AZƏRTAC

Seçkilərin başladığı səhər saatlarından 7 saylı Səbail rayon seçki dairəsinin 2 saylı seçki məntəqəsində seçici fəallığı müşahidə olunur.

Məntəqə sədri Süleyman Əliyev AZƏRTAC-a açıqlamasında bildirib ki, məntəqədə 1343 seçici qeydiyyata alınıb.

O qeyd edib ki, məntəqədə 10 nəfər ilk dəfə səs verəcək. Onun sözlərinə görə, indiki saatadək seçicilərin fəallığı yüksəkdir.

S.Əliyev əlavə edib ki, məntəqədə 17 müşahidəçi prosesin gedişini izləyir. Xarici müşahidəçilərin çoxluq təşkil etdiyini deyən məntəqə sədri onlardan iksinin Rusiya Dövlət Dumasının üzvləri olduqlarını bildirib.