XƏTAİ RAYONUNDA ULU ÖNDƏRİN 85 İLLİK YUBİLEYİNƏ HƏSR OLUNMUŞ KONSERT
AZƏRTAC xəbər verir ki, mayın 9-da ümummilli liderimiz Heydər Əliyevin 85 illik yubileyinin silsilə tədbirlərlə qeyd olunduğu Xətai rayonunda möhtəşəm bayram konserti verilmişdir.
“Azərbaycan Televiziya və Radio Verilişləri” Qapalı Səhmdar Cəmiyyəti və Xətai Rayon İcra Hakimiyyətinin birgə təşkil etdikləri konsert Heydər Əliyev adına parkda keçirimişdir.
Konsertdən əvvəl rayon icra hakimiyyətinin, idarə, müəssisə və təşkilatların işçiləri ulu öndərin abidəsinin önünə çiçəklər qoymuş, ümummilli liderin Heydər Əliyev adına parkda ucaldılmış xatirəsini məhəbbət və ehtiramla yad etmişlər.
İki saat davam edən konsertdə şəhərimizin on minlərlə sakini və qonaqları respublikamızın tanınmış incəsənət ustalarının çıxışlarını böyük maraqla dinləmişlər.
Konsert atəşfəşanlıqla sona çatmışdır.
Bölmənin digər xəbərləri
