XƏZƏR DƏNİZİNDƏ AZƏRBAYCAN DÖVLƏT XƏZƏR DƏNİZ GƏMİÇİLİYİNİN “MERKURİ-2” BƏRƏSİNİN QƏZAYA UĞRAMASI İLƏ ƏLAQƏDAR YARADILMIŞ DÖVLƏT KOMİSSİYASININ 2002-Cİ İL OKTYABRIN 23-Ü SAAT 19-A OLAN MƏLUMATI
Azərbaycan Dövlət Xəzər Dəniz Gəmiçiliyinin “Merkuri-2” bərəsinin qəzaya uğradığı ərazidə axtarış işləri davam etdirilir. Xəbər verildiyi kimi, bu işlərə 15 gəmi və 7 vertolyot cəlb olunmuşdur.
Bu gün Azərbaycan Respublikasının baş naziri qəza ilə əlaqədar yaradılmış Dövlət Komissiyasının bir sıra üzvləri ilə bərabər hadisə yerini müşahidə etmiş, axtarış işlərinin vəziyyətini Komissiya üzvləri ilə birlikdə yerində araşdırmışdır.
Qəza baş verən ərazini su altından müayinə etmək üçün hadisə yerinə göndərilən, xüsusi avadanlıqla təchiz olunmuş “Neftqaz-64” gəmisinin oraya oktyabrın 23-də gecə çatacağı gözlənilir.
Dövlət Komissiyası dərin kədər hissi ilə bildirir ki, bu gün 3 nəfərin meyidi tapılmışdır.
Axtarış işləri davam etdirilir.
Bölmənin digər xəbərləri
