Xəzər rayonunda azyaşlı qızlara qarşı seksual xarakterli hərəkətlər edən şəxs saxlanılıb
Bakı, 12 fevral, AZƏRTAC
Xəzər Rayon Polis İdarəsinin 1-ci polis şöbəsi əməkdaşlarının daxil olmuş müraciət əsasında apardıqları araşdırmalarla “KİA” markalı avtomobililə taksi fəaliyyəti ilə məşğul olan Şağan qəsəbə sakini E.Camalovun 2021-ci ilin fevralından cari il fevralın 11-dək olan müddətdə avtomobilində sərnişin kimi apardığı həmyerliləri olan üç məktəbli qıza qarşı seksual xarakterli hərəkətlər etməsinə əsaslı şübhələr müəyyənləşdirilib.
Daxili İşlər Nazirliyinin mətbuat xidmətindən AZƏRTAC-a bildirilib ki, E.Camalov polis əməkdaşları tərəfindən saxlanılıb.
Faktla əlaqədar Cinayət Məcəlləsinin 150-ci maddəsi ilə (Seksual xarakterli zorakılıq hərəkətləri) cinayət işi başlanıb. Zəruri istintaq-əməliyyat tədbirləri aparılır.
Bölmənin digər xəbərləri
