Bakı, 15 aprel (AZƏRTAC). Xəzər Universitetinin Karyera Mərkəzi tələbələr üçün “Xarizmatik liderlik” mövzusunda təlim keçirmişdir.

Xəzər Universitetindən AZƏRTAC-a bildirmişlər ki, “Şeraton Bakı” otelinin təlim meneceri Talıb Bayramov tələbələrə xarizma anlayışı, qadın və kişi xarizması, insanların ehtiyaclarının və təşkilatın məqsədinin əsasında liderlik xüsusiyyətinin dayanması, necə lider olmalı, lider olan şəxslərə insanların etibarı və hörməti və s. mövzularda ətraflı məlumat vermiş, sualları cavablandırmışdır.