Xorvatiyada kriptovalyutanı nağd pulla almaq mümkündür
Zaqreb, 2 may, AZƏRTAC
Xorvatiyanın Split şəhərində “Hrvatske Mornarice” küçəsində Balkanlarda ilk Bitkoyn-mağaza açılıb.
AZƏRTAC xəbər verir ki, burada müştərilər bitkoyn və digər kriptovalyutaları nağd pulla ala bilərlər. Mağazanın açılması ölkədə bu ödəniş üsuluna artan marağın nəticəsidir. Müştərilərə kripto valyutanı aldıqda qəbz verilir ki, vergi orqanlarına hesabatda göstərilsin. Burada qiymətlər onlayn “Coinmarketcap” internet mağazasından 5 faiz artıqdır. Xorvatiyada bu texnologiyanı yayan “Bitkonan” şirkəti həm ölkədə, həm də Balkanlarda genişlənmək planlarını açıqlayıb.
İqbal Hacıyev
AZƏRTAC-ın xüsusi müxbiri
Zaqreb
Bölmənin digər xəbərləri
