Tokio, 25 aprel (AZƏRTAC). Yaponiya və ABŞ hökumətləri Baş nazir Şinzo Abenin və Prezident Barak Obamanın birgə bəyanatlarını yaymışlar.

Sənəddə qeyd edilir ki, ABŞ və Yaponiya Trans-Sakit okean Tərəfdaşlığı çərçivəsində razılığın imzalanması üçün lazımi addımların atılmasında qətiyyətli mövqe nümayiş etdirəcəklər.

Bəyanatda, həmçinin bildirilir ki, hər iki ölkə bütün iştirakçı ölkələri lazım olan addımları atmağa çağırırlar.

Sənəddə qeyd edilir ki, iki ölkə arasında təhlükəsizlik haqqında müqavilə Senkaku adaları da daxil olmaqla Yaponiyanın inzibati idarəetməsinə daxil olan bütün əraziləri əhatə edir.

Bəyanatda bildirilir ki, ABŞ Yaponiyanın bu adalar üzərində inzibati nəzarətinə qarşı yönəlmiş istənilən birtərəfli aksiyanın qəti əleyhinədir.

Vüqar Ağayev

AZƏRTAC-ın xüsusi müxbiri

Tokio