Yaponiyalı professor Elmin İnkişafı Fondunda olmuşdur
Bakı, 9 mart (AZƏRTAC). Tokio Universitetinin professoru Yoşihiro Nişiyaki Azərbaycan Respublikasının Prezidenti yanında Elmin İnkişafı Fondunda (EİF) olmuşdur.
EİF-dən AZƏRTAC-a bildirmişlər ki, görüşdə fondun son dövrdəki fəaliyyəti haqqında qonağa ətraflı məlumat verilmişdir.
Professor Y.Nişiyaki Tokio Universiteti ilə EİF arasında arxeologiya sahəsində əməkdaşlığın vacibliyini xüsusilə qeyd etmişdir.
Fondun icraçı direktoru Elçin Babayev Yaponiya alimləri ilə elmi əlaqələrin gücləndirilməsinin əhəmiyyətini vurğulamış, arxeoloji layihələrlə bağlı konkret təkliflər irəli sürmüşdür.
Tədbirdə Tokio Universiteti ilə EİF arasında gələcək əməkdaşlıq məsələləri müzakirə olunmuşdur.
Bölmənin digər xəbərləri
