“YARAT”da növbəti ustad dərsi - “Özünü kəşf et”
Bakı, 30 aprel, AZƏRTAC
Mayın 1-də “YARAT” Müasir İncəsənət Mərkəzində böyüklər üçün “Özünü kəşf et” adlı ustad dərsləri keçiriləcək.
“YARAT”dan AZƏRTAC-a bildirilib ki, “Özünü kəşf et”- yaradıcılıq ab-havası ilə dolu, yeni rəngarəng layihədir. Ustad dərsləri zamanı iştirakçılar gündəlik həyat işlərini kənara qoyub, özlərini tamamilə yaradıcılığa həsr edə biliblər. Budəfəki ustad dərslərinin mövzusu yaz melodiyası, rəng nəzəriyyəsi və mücərrəd düşüncə olacaq.
Dost və ailə mühitində yaradıcılıq vasitəsilə hisslərini bölüşmək istəyənlər üçün ideal bir fürsət olan ustad dərsləri hər çərşənbə, 19:00-21:00 saatlarında keçiriləcək. Dərslər zamanı iştirakçılar bütün ləvazimatlarla təmin olunacaq.
Bölmənin digər xəbərləri
