Yasamal rayon kitabxanası Müstəqilliyin Bərpası Günü ilə əlaqədar tədbir təşkil edib
Bakı, 18 oktyabr, AZƏRTAC
Bakı Şəhər Mədəniyyət Baş İdarəsinin Yasamal rayon Mərkəzləşdirilmiş Kitabxana Sisteminin Mərkəzi Kitabxanasının Oxuculara xidmət şöbəsi İlqar İbrahimov adına 167 nömrəli tam orta məktəblə birlikdə 18 Oktyabr-Müstəqilliyin Bərpası Günü ilə əlaqədar tədbir keçirib.
Baş İdarədən AZƏRTAC-a bildirilib ki, tədbirdə Abonement bölməsinin müdiri Lalə Səlimova və baş kitabxanaçı Gülnarə Cəlilova çıxış edərək müstəqilliyi qoruyub saxlamağın onu qazanmaqdan qat-qat çətin olduğunu qeyd ediblər. Vurğulanıb ki, Azərbaycan xalqı XX yüzillikdə ikinci dəfə müstəqillik bayrağını qaldırdı. Bu, xalqımızın siyasi tarixində XX əsrdəki ikinci parlaq qələbəsi idi.
Məktəbin müəllimləri Məlahət Pənahova və Samirə Məmmədova çıxış edərək, Müstəqilliyin Bərpası Gününün tarixi və əhəmiyyəti haqqında şagirdlərə məlumat veriblər.
Məktəbin şagirdləri Elnur Dadaşov, Əli Məmmədov, Elvin Dadaşov, Orxan Yəhyayev və Vüsal Abdulhüseynov fəallıq göstərərək kitabxana əməkdaşlarının mövzu ilə bağlı verdiyi sualları cavablandırıblar.
Bölmənin digər xəbərləri
