Yasamal rayonunda mağazadan noutbuk və mobil telefonlar oğurlayan şəxs saxlanılıb
Bakı, 29 aprel, AZƏRTAC
Yasamal Rayon Polis İdarəsinin 29-cu polis şöbəsinə müraciət edən İsmayıllı rayon sakini T.Alıyev aprelin 23-nə keçən gecə M.Həsənov küçəsindəki mağazasının şüşəsinin sındırıldığını, bir noutbukun və iki mobil telefonun oğurlandığını bildirib.
Daxili İşlər Nazirliyinin mətbuat xidmətindən AZƏRTAC-a verilən məlumata görə, müraciətlə əlaqədar müvafiq araşdırmalar aparılıb. Oğurluğu törətməkdə şübhəli bilinən Bakı şəhər sakini Fəxri Heybətov keçirilmiş əməliyyat-axtarış tədbirləri nəticəsində polis əməkdaşları tərəfindən saxlanılıb.
Faktla bağlı araşdırma aparılır.
Bölmənin digər xəbərləri
