YAXIN İKİ İLDƏ BAKI METROSUNDA İKİ YENİ STANSİYA İSTİFADƏYƏ VERİLƏCƏKDİR
Bu barədə AZƏRTAC-a Bakı Metropoliteninin rəisi Tağı Əhmədov məlumat vermişdir.
T.Əhmədov bildirmişdir ki, 2008-ci ilin avqustunda “Nəsimi” stansiyası istifadəyə veriləcəkdir. Eyni vaxtda, “Bakı Soveti” stansiyasının yenidənqurmadan sonra “İçərişəhər” adı ilə istifadəyə verilməsi, “28 May” stansiyasının isə Mirəli Qaşqay küçəsinə ikinci çıxışının açılması planlaşdırılır. Hazırda bu çıxışda inşaat işləri başa çatmışdır. Yalnız çıxışın vestibülündə tamamlama işləri aparılır.
2009-cu il dekabrın 24-də “Azadlıq” stansiyasının istifadəyə verilməsi də nəzərdə tutulur.
Bakı Metropoliteni 1967-ci ilin noyabrında istismara verilmişdir və hazırda 20 stansiyadan ibarətdir.
Bölmənin digər xəbərləri
