Bakı, 24 avqust, AZƏRTAC

Bu ilin yanvar-iyul aylarında ölkəmizdə avtomobil idxalının həcmi 19 min 476 ədəd olub.

Dövlət Gömrük Komitəsindən (DGK) AZƏRTAC-a bildirilib ki, bunlardan 660 ədədi sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələrinin, 17 min 345 ədədi əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələrinin, 1275 ədədi yük daşımaq üçün motorlu nəqliyyat vasitələrinin, 196 ədədi isə xüsusi təyinatlı motorlu nəqliyyat vasitələrinin payına düşür.