Yekaterinburqda Türkiyə ilə birlikdə topdansatış ərzaq paylaşdırma mərkəzi inşa ediləcək
Moskva, 30 aprel, AZƏRTAC
Yekaterinburqda Türkiyə ilə birlikdə topdansatış ərzaq paylaşdırma mərkəzi inşa ediləcək.
AZƏRTAC xəbər verir ki, bu barədə jurnalistlərə Sverdlovsk vilayətinin beynəlxalq və xarici iqtisadi əlaqələr naziri Vasili Kozlov məlumat verib.
Nazirin sözlərinə görə, layihə təqribən 2-3 il ərzində həyata keçiriləcək. O vurğulayıb ki, Sverdlovsk vilayəti riskli əkinçilik zonasına aiddir, buna görə də Türkiyədən meyvə-tərəvəz idxal edilməsi Sverdlovsk vilayətinin maraqlarına uyğundur.
Türkiyənin Rusiyadakı səfiri Mehmet Samsar jurnalistlərə bildirib ki, topdansatış paylaşdırma mərkəzinin olması Türkiyə tərəfinin maraqlarına çox uyğundur. Səfir deyib: “Əminəm ki, Yekaterinburqda belə bir mərkəz açılması bu cür məhsulların idxalı və ixracı sahəsində həm Türkiyə ilə, həm də digər ölkələrlə ticari-iqtisadi münasibətlərin inkişafına təkan verəcək.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
