Yeni Azərbaycan Partiyasının regional inkişaf və yerli özünüidarə komissiyasının iclası keçirilmişdir
Bakı, 7 mart (AZƏRTAC, Ülviyyə Məmmədli). Martın 7-də Yeni Azərbaycan Partiyasının (YAP) regional inkişaf və yerli özünüidarə komissiyasının ilk iclası keçirilmişdir. İclasda komissiyanın 2014-cü il üçün iş planı müzakirə olunmuşdur.
AZƏRTAC xəbər verir ki, komissiyanın sədri, YAP İdarə Heyətinin üzvü Arif Rəhimzadə iş planının layihəsi haqqında məlumat vermişdir. O bildirmişdir ki, komissiya il ərzində “Azərbaycan Respublikasının Mənzil Məcəlləsi ilə əlaqədar mənzil fondunun idarə edilməsi problemləri”, “Regionların sosial-iqtisadi inkişafına dair Dövlət Proqramı (2014-2018) ilə əlaqədar yerli orqanların fəaliyyəti”, “Bələdiyyə seçkiləri və qarşıda duran vəzifələr”, “Yerli əhəmiyyətli məsələlərin həllində bələdiyyələrin fəaliyyəti” və “Ətraf mühitin qorunması sahəsində yerli orqanların fəaliyyəti” mövzularında tədbirlər keçirməyi planlaşdırır.
İclasda komissiya üzvləri iş planı haqqında fikir və təkliflərini bildirmişlər.
Müzakirələrdən sonra komissiyanın 2014-cü il üçün iş planı təsdiq edilmişdir.
YAP Siyasi Şurasının üzvü Əlibaba Əliyev komissiyanın sədr müavini, İsax Alməmmədov isə katibi seçilmişdir.
Bölmənin digər xəbərləri
