Yeni rekord: Mərakeş cəmi 5 ay ərzində 7 milyondan çox turist qəbul edib
Bakı, 20 iyun, AZƏRTAC
Mərakeş 2025-ci ilin may ayının sonuna kimi 7,2 milyon turisti qəbul etməklə yeni rekorda imza atıb ki, bu da 2024-cü ilin eyni dövrü ilə müqayisədə 22 faiz çoxdur.
AZƏRTAC “Hespress” onlayn qəzetinə istinadla xəbər verir ki, Mərakeşin Turizm, Əl işləri, Sosial və Həmrəylik İqtisadiyyatı Nazirliyi bu rəqəmin ölkənin aparıcı qlobal turizm məkanı kimi mövqeyini, eləcə də sektorun inkişafı üçün qəbul edilmiş strategiyanın effektivliyini təsdiq etdiyini açıqlayıb.
Nazir Fatima Zəhra Ammorun sözlərinə görə, bu artım Mərakeşin 2023-2026-cı illər üzrə Turizm Yol Xəritəsinin həyata keçirilməsi nəticəsində artan cəlbediciliyini əks etdirir, eyni zamanda, diqqəti hava əlaqəsinin yaxşılaşdırılmasına, reklam kampaniyalarının gücləndirilməsinə və daha müxtəlif turizm təkliflərini təqdim etmək üçün investisiyaların stimullaşdırılmasına yönəldir.
Ammor qeyd edib ki, bu ümidverici nəticələr həm də Mərakeşin 2030-cu ilə qədər 26 milyon turisti qəbul etmək ambisiyası istiqamətində qazandığı uğuru təsdiqləyir.
Bölmənin digər xəbərləri
