Yetkinlik yaşına çatmayan 2 min 600 nəfər ötən il Yunanıstandan sığınacaq istəyib

30.04.2019 [21:06]
Çap et
A⁺ A^-

Afina, 30 aprel, AZƏRTAC

Avropanın statistika agentliyinin məlumatına görə, ötən il Yunanıstanda 2 min 600 nəfər yetkinlik yaşına çatmayan şəxs sığınacaq üçün müraciət edib.

AZƏRTAC xəbər verir ki, bu göstərici 2017-ci illə müqayisədə artıqdır və Avropa İttifaqında sayına görə dördüncü hesab edilir. Avropa İttifaqında ümumi olaraq 2018-ci ildə 19 min 740 nəfər müşayiətsiz yetkinlik yaşına çatmayan şəxslər sığınacaq üçün müraciət ediblər.

Müraciət edənlərin 86 faizi oğlanlardır. Ən çox sığınacaq üçün müraciət Almaniyaya 4 min 100 nəfər, İtaliyaya 3 min 900 nəfər və Böyük Britaniyaya 2 min 900 nəfər şəxs tərəfindən daxil olunub.

Yunanıstan üçün müraciət edənlərin 30 faizi Pakistan və Əfqanistandan, 14 faizi Suriyadan olan vətəndaşlardır.

İqbal Hacıyev

AZƏRTAC-ın xüsusi müxbiri

Afina