SİYASƏT
Yevlax şəhəri bayram libasına bürünmüşdür
Yevlax, 31 dekabr (AZƏRTAC). 31 Dekabr - Dünya Azərbaycanlılarının Həmrəyliyi Günü və Yeni il münasibətilə Yevlaxda geniş bayram tədbiri keçirilmişdir.
AZƏRTAC xəbər verir ki, şəhərin mərkəzi meydanında keçirilən ümumrayon tədbiri Azərbaycanın dövlət himninin səsləndirilməsi ilə başlanmışdır.
Tədbirdə çıxış edənlər Dünya Azərbaycanlılarının Həmrəyliyi Günü və Yeni il münasibətilə yevlaxlıları təbrik etmiş, 2013-cü ildə qazanılan uğurlardan, insanların rifah halının yüksəldilməsi istiqamətində həyata keçirilən tədbirlərdən danışmışlar.
Sonra rayonun ictimai-siyasi həyatında və quruculuq-abadlıq işlərində fəallıq göstərənlərə hədiyyələr verilmişdir.
Rayonun musiqi kollektivləri, Şaxta baba və Qar qız iştirakçılara xoş ovqat bəxş etmişlər. Bayram tədbiri ədəbi-bədii proqram, rəqslər və rəngarəng musiqi nömrələri ilə axşam saatlarınadək davam etdirilmiş və möhtəşəm atəşfəşanlıqla başa çatmışdır.
Bayram münasibətilə müharibə veteranları, əlillər, şəhid ailələri, Çernobıl iştirakçılarına, həmçinin şəhərin abadlıq-quruculuq və təmizliyində fəal iştirak edən min nəfərə yaxın sakinə bayram sovqatı verilmişdir.
Bölmənin digər xəbərləri
