YÖK rəhbəri: 2028-ci ilə qədər ən azı iki türk universiteti dünyanın “TOP 200” universiteti sırasına daxil olacaq
Ankara, 21 may, AZƏRTAC
Ən azı iki türk universiteti 2028-ci ilə qədər dünyanın ən yaxşı 200 universiteti siyahısına daxil ediləcək. Bu, bizim dəqiq hədəfimizdir.
AZƏRTAC xəbər verir ki, bu barədə Türkiyə Ali Təhsil Şurasının (YÖK) sədri Erol Özvar bildirib.
Onun sözlərinə görə, yaxın üç ildə on Türkiyə universitetinin dünyanın “TOP-500” qlobal universiteti sırasına daxil olması, min ən yaxşı universitetin dünya reytinqi (TOP-1000) isə Türkiyənin 50 ali təhsil müəssisəsini əhatə edəcək.
Özvar qeyd edib ki, Türkiyə universitetləri hazırda dünyanın bir çox ölkələrinin ali təhsil müəssisələri ilə fəal əməkdaşlıq edir.
“Gələcək planlarımızda Dəməşqdə Türkiyə-Suriya Universitetinin açılması da var”, - deyən Özvar tələbələrin həm bakalavr, həm magistr, həm də doktorantura pillələrində ikili diplom almasına imkan verən proqramların açılmasının vacibliyinə diqqət çəkib.
“Türkiyə universitetlərinin qlobal akademik brendlər kimi tanınması bizim üçün çox vacibdir”, - deyə o, ölkənin ali təhsil sisteminin təkmilləşdirilməsi istiqamətində qətiyyətli addımların davam edəcəyinə əminliyini vurğulayıb.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
