Bakı, 12 avqust (AZƏRTAC). Zabrat yolunda təmir-bərpa işləri bu ay yekunlaşacaqdır.

Nəqliyyat Nazirliyinin “Azəryolservis” ASC-nin mətbuat xidmətindən AZƏRTAC-a bildirmişlər ki, yolun Sabunçu qovşağından Zabrat dairəsinədək olan hissəsində işlər sürətlə davam etdirilir. Yol boyu zəruri olan yerlərdə mühəndis-kommunikasiya qurğuları dəyişdirildikdən sonra təmir işlərinə başlanılmışdır.

Yolun artıq 5,2 kilometrlik hissəsinə üç qat asfalt-beton örtük döşənmiş, 5,5 kilometrlik hissədə bardürlər yeniləri ilə əvəzlənmiş və təxminən 4 kilometrlik məsafədə işarələmə işləri yerinə yetirilmişdir.