Paris, 17 may, AZƏRTAC

Azərbaycan multikulturalizminə, tolerantlığına, humanistliyinə, milli azlıqlara münasibətinə görə dünya ölkələrinə, xüsusilə də Avropa ölkələrinə ən yaxşı örnəkdir.

AZƏRTAC xəbər verir ki, bu fikirləri Fransa Ravvinləri Konqresində iştirak edən Azərbaycan dağ yəhudilərinin ravvini Zamir İsayev deyib.

Konqresin məhz Azərbaycan Mədəniyyət Mərkəzində keçirilməsinin təsadüfi olmadığını qeyd edən Z. İsayev bildirib ki, Fransa ravvinlərinə Azərbaycan reallıqlarından, ölkəmizdəki inkişafdan, multikulturalizm ənənəsindən, eləcə də yəhudi icmalarından, onların həyatından bəhs ediləcək.