Z.JVANİYA GÜRCÜSTANIN DÖVLƏT NAZİRİ TƏYİN EDİLMİŞDİR

27.11.2003 [21:53]
Çap et
A⁺ A^-

AZƏRTAC-ın müxbiri Tbilisidən xəbər verir ki, “Burcanadze-demokratlar” blokunun liderlərindən biri, Gürcüstan parlamentinin sabiq sədri Zurab Jvaniya noyabrın 27-də Dövlət naziri vəzifəsinə təyin olunmuşdur. Bu, icra hakimiyyətində prezidentdən sonra ikinci vəzifədir.

Z.Jvaniyanın namizədliyini Gürcüstan prezidentinin səlahiyyətlərini yerinə yetirən Nino Burcanadze irəli sürmüş və parlamentin fövqəladə iclası onu yekdilliklə təsdiqləmişdir. Bu vəzifədə o, istefa vermiş Avtandil Corbenadzeni əvəz etmişdir.

40 yaşlı Zurab Jvaniya Tbilisi Dövlət Universitetinin biologiya fakültəsini bitirib, 1988-93-cü illərdə “Gürcüstanın yaşıllar hərəkatı” partiyasının lideri, 1995-2001-ci illərdə parlamentin sədri, son iki ildə isə E.Şevardnadzeyə qarşı müxalifətin liderlərindən biri olubdur.

Z.JVANİYA GÜRCÜSTANIN DÖVLƏT NAZİRİ TƏYİN EDİLMİŞDİR

MÜƏLLİFLƏ ƏLAQƏ

Bölmənin digər xəbərləri