Zoologiya İnstitutunun əməkdaşı sertifikatla təltif olunub
Bakı, 29 yanvar, AZƏRTAC
Azərbaycan Milli Elmlər Akademiyasının (AMEA) Zoologiya İnstitutunun əməkdaşı V Azərbaycan Beynəlxalq Arıçılıq Konfransında çıxış edib.
İnstitutdan AZƏRTACA bildirilib ki, Tətbiqi Zoologiya Mərkəzinin kiçik elmi işçisi Rəfiqə Qazi Bakı şəhərində keçirilən arıçılıq konfransında “2018-ci ildə Azərbaycanda nozematoz xəstəliyinin son vəziyyəti və molekulyar səviyyədə təyini” mövzusunda məruzə ilə çıxış edib və sertifikatla təltif olunub.
Qeyd edək ki, konfransın keçirilməsində əsas məqsəd arı xəstəliklərinin qarşısını almaq, arıçılıqda məhsuldarlığı artırmaq və arıçıların öz məhsullarını yerli və xarici bazara çıxarması yollarını araşdırmaqdan ibarət olub.
Konfransda, həmçinin Türkiyə və Rusiyanın alimləri təcrübələrini yerli arıçılarla bölüşüblər.
Bölmənin digər xəbərləri
