CƏMİYYƏT


Azərbaycanda əlillərin sosial müdafiəsinə xüsusi diqqət yetirilir

Bakı, 2 dekabr, AZƏRTAC

Sabunçu Rayon İcra Hakimiyyəti 3 dekabr - Beynəlxalq Əlillər Günü ilə əlaqədar tədbir keçirib.

Rayon icra hakimiyyəti başçısının müavini Arzu Məmmədova tədbirdə çıxış edərək ölkəmizdə əlillərin sosial müdafiəsinə xüsusi diqqət yetirildiyini və əlilliyi olan şəxslərin maddi təminatının gücləndirilməsinin dövlət siyasətinin əsas istiqamətlərindən olduğunu bildirib. O deyib ki, əlillərin sosial müdafiəsi ilə bağlı həyata keçirilən genişmiqyaslı tədbirlərin əsası ulu öndər Heydər Əliyev tərəfindən qoyulub. İnsan amilini xüsusi diqqətdə saxlayan Ümummilli Liderin Azərbaycana rəhbərliyi dövründə əlillərin sosial müdafiəsi, onların cəmiyyətə inteqrasiyası ildən-ilə gücləndirilib. Bakıda və regionlarda əlillər üçün reabilitasiya mərkəzləri, protez-ortopedik müəssisələr yaradılıb. Bu gün Prezident İlham Əliyev Ulu Öndərin bu siyasətini uğurla davam etdirir.

Tədbirdə məlumat verilib ki, rayonda qeydiyyatdan keçmiş 5343 nəfər müxtəlif əlillik dərəcəsinə malik vətəndaş yaşayır.

Sabunçu rayon Müharibə, Əmək Və Silahlı Qüvvələr Veteranlar Şurasının sədri Elxan Mirzəyev, rayon “Qarabağ Müharibəsi Əlilləri, Veteranları və Şəhid Ailələri” İctimai Birliyinin sədri Zülfüqar Cəfərov və digər çıxış edənlər əlillərə göstərilən diqqət və qayğıya görə ölkə başçısı İlham Əliyevə və Heydər Əliyev Fondunun prezidenti Mehriban Əliyevaya minnətdarlıq ediblər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.