CƏMİYYƏT


Əsrin sonunda okeanların səviyyəsi 3,5 metr yüksələ bilər

A+ A

Bakı, 24 avqust, AZƏRTAC 

XXI əsrin sonunda dünya okeanlarının səviyyəsi 3,5 metr yüksələ bilər. Bu, planet əhalisinin 20 faizindən çoxunun yaşadığı sahil şəhərlərinə xeyli təsir göstərəcək.

AZƏRTAC TASS agentliyinə istinadla xəbər verir ki, bu proqnozu Rusiya Elmlər Akademiyası Şurasının “Dəniz sahilləri” işçi qrupunun sədri Leonid Jindaryov açıqlayıb. O deyib: “Biz iqlimin istiləşməsi dövründə yaşayırıq. Bu proses Şimal yarımkürəsində, Arktik regionda daha çox nəzərə çarpır. Buzlaqların əriməsi dəniz səviyyəsinin yüksəlməsi ilə nəticələnir. Dünya okeanlarının səviyyə artımının üç variantı var: maksimal 3,5 metr, orta 1-1,5 metr və minimal - 1 metr. Biz orta səviyyəni əsas götürürük”.

L.Jindaryov qeyd edib ki, maksimum həddə çatma ehtimalı az olsa da, risklər var.

Tədqiqatlara görə, hazırda okeanların səviyyəsi hər il orta hesabla 3 millimetr yüksəlir. Amma L.Jindaryovun qeyd etdiyi kimi, yüksəlmə sürətinin artması tendensiyası müşahidə olunur. Alimin fikrincə, sahil şəhərləri üçün bu, çox ciddi problemdir. Artıq iqlimin təsiri ilə bir çox şəhərlərin sahil zolağı azalıb. L.Jindaryov nümunə kimi Sankt-Peterburq şəhərini və Kalininqrad vilayətini qeyd edib. “Şimal paytaxtı”da fırtına nəticəsində çimərlik zolağı kəskin surətdə qısalıb, Kalininqradda isə artıq çimərliklər qalmayıb.

Alim süni sahil zolaqlarının yaradılmasını təklif edib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.