ELM VƏ TƏHSİL


Azərbaycanlı alim beynəlxalq konqresdə çıxış edib

Bakı, 21 sentyabr, AZƏRTAC

Azərbaycan Milli Elmlər Akademiyasının (AMEA) Molekulyar Biologiya və Biotexnologiyalar İnstitutunun xloroplastların fotokimyası laboratoriyasının müdiri, AMEA-nın müxbir üzvü İbrahim Əzizov Odessada “Orqanizmlərin eksperimental təkamülünün amilləri” mövzusunda beynəlxalq konqresdə iştirak edib.

AMEA-dan AZƏRTAC-a bildiriblər ki, tədbirdə azərbaycanlı alimin “Natrium xloridin bərk və yumşaq buğda genotiplərinin morfofizioloji proseslərinə və məhsuldarlığına təsiri” mövzusunda məruzəsi dinlənilib. Eyni zamanda, İ.Əzizov Ukrayna Aqrar Elmləri Akademiyasının Odessadakı Seleksiya və Genetika İnstitutunun seminarında çıxış edib, Azərbaycanda bu sahədə akademik Cəlal Əliyevin rəhbərliyi altında görülən işlər barədə məlumat verib. Həmçinin institutun alimləri ilə gələcək elmi əməkdaşlığa dair müzakirələr aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.