CƏMİYYƏT


Bərpa olunan enerji mənbələri davamlı inkişafı hələ beş milyard il təmin edəcək

A+ A

Bakı, 14 oktyabr, AZƏRTAC

Bərpa olunan enerji mənbələri davamlı inkişafı hələ beş milyard il təmin edəcək.

AZƏRTAC “indicator.ru”ya istinadla xəbər verir ki, bunu Rusiya Elmlər Akademiyasının (REA) prezidenti Vladimir Fortov “XXI əsrdə bərpa olunan energetika: energetik və iqtisadi səmərəlilik” mövzusunda Beynəlxalq konqresdə bəyan edib.

V.Fortov deyib: “Qabarma enerjisi istisna olmaqla, enerjinin bütün növləri termonüvə reaksiyaları ilə bağlıdır. Buna görə də əbədi enerji mənbələri əslində yoxdur. Yer kürəsində istehsal və istehlak etdiyimiz nə varsa, hamısı Günəşdə gedən termonüvə reaksiyalarının enerjisidir. Hesablamalara görə, bu reaksiyalar azı beş milyon ilə kifayət etməlidir. Odur ki, azı beş milyard il üçün davamlı inkişafımız təmin olunub”.

Alimlərin fikrincə, 3,5 milyard ildən sonra Günəş elə qızacaq ki, Yer kürəsi daha həyat üçün yararlı olmayacaq. Özü də bu göy cisminin temperaturunun artması səbəbindən artıq bir milyard il sonra yalnız qütb rayonlarında biosfera qalacaq.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.