REGİONLAR


Füzulili məzunlardan 450 nəfəri tələbə adını qazanıb

A+ A

Horadiz, 26 avqust, AZƏRTAC

Bu il Füzuli rayonunun orta ümumtəhsil məktəblərini bitirən 1100 məzundan 540 nəfəri ali məktəblərə keçirilən imtahanlarda iştirak etmək üçün sənəd verib. Məzunlardan 342-si respublikanın müxtəlif ali məktəblərinə, 108-i isə orta ixtisas məktəblərinə qəbul olub.

Rayon təhsil şöbəsindən AZƏRTAC-a bildiriblər ki, tələbə adını qazanan gənclərdən 50 nəfəri 500-dən, 20 nəfəri isə 600-dən çox bal toplayıb. 38 nömrəli tam orta məktəbin məzunu Orxan Atakişili 671 balla ADA Universitetinə, 47 nömrəli tam orta məktəbin məzunu Şirvan Hümbətli 663 balla Polis Akademiyasına, Böyük Bəhmənli-2 kənd tam orta məktəbinin məzunu Vəli Səfərov 662 balla Bakı Dövlət Universitetinə qəbul olaraq, rayon üzrə ən yüksək nəticə göstəriblər.

Rayonun ümumtəhsil məktəblərindən ən yüksək nəticəni 48, 1, 47, 5 nömrəli, Qayıdış qəsəbə 7 nömrəli, Əhmədbəyli kənd tam orta məktəblərinin məzunları göstərib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.