CƏMİYYƏT
“Gənclərin ictimai davranış qaydalarının təbliğində rolu” layihəsinin təqdimatı olub
Bakı, 19 noyabr, AZƏRTAC
Azərbaycan Respublikasının Prezidenti Yanında Gənclər Fondunun (AZGF) maliyyə dəstəyi ilə Azərbaycan Maarifçi Gənclər Təşkilatı “Gənclərin ictimai davranış qaydalarının təbliğində rolu” layihəsinin yekunu olaraq sosial videoçarxın təqdimatını keçirib.
AZƏRTAC xəbər verir ki, AZGF-in aparat rəhbəri Faiq Qürbətov, Azərbaycan Respublikası Prezident Administrasiyasının Gənclərlə İş sektorunun məsləhətçisi Rahu Qurbanova, Gənclər və İdman Nazirliyinin baş məsləhətçisi Faiq Qurbanzadə və digər qonaqların qatıldığı tədbir Park Bulvar-da yerləşən “Park Cinema” kinoteatrında reallaşıb.
Təqdimat mərasimdə layihənin ilkin mərhələsində “Araz FM”də “Gənclərin ictimai davranış qaydalarının təbliğində rolu”na həsr olunan radioproqramların bəzi qonaqları da iştirak ediblər.
Çıxışlarda vurğulanıb ki, bu gün gənclərimizin bu sahədə maariflənməsinə böyük ehtiyac var.
Qeyd edək ki, layihənin həyata keçirilməsində məqsəd ictimai davranış qaydalarının təbliği və bu qaydalara əməl olunmasına gəncləri təşviq etməkdir.
Videoçarx bir ay müddətində “Park Cinema” kinoteatrlar şəbəkəsində, Park Bulvar AVM-də və internet daşıyıcılarda yayımlanacaq.