İQTİSADİYYAT


“Kapital Bank”ın dəstəyi ilə “Made in Azerbaijan – 2” layihəsi yekunlaşıb

Bakı, 25 may, AZƏRTAC 

Ölkədə təhsilin inkişafına mühüm önəm verən “Kapital Bank” Azərbaycan Dövlət İqtisad Universitetinin tələbələri üçün “Made in Azerbaijan – 2” müsabiqəsi keçirib. Müsabiqənin şərtlərinə əsasən, tələbələr Azərbaycan brendini yaratmaq üçün öz biznes ideyalarını təqdim ediblər.

“Kapital Bank”dan AZƏRTAC-a bildirilib ki, layihə mayın 24-də yekunlaşıb və qaliblərin mükafatlandırma mərasimi keçirilib. Tədbirin sonunda 6 finalçı biznes ideyalarını təqdim edib və münsiflər heyəti 3 qalibi seçib. Qaliblərə “Kapital Bank” adından pul mükafatı, korporativ hədiyyələr, həmçinin sertifikatlar təqdim edilib. Birinci yerin qalibi 2000 AZN, ikinci yer 1500 AZN, üçüncü yer 1000 AZN ilə mükafatlandırılıb. Digər finalçılara isə korporativ hədiyyələr verilib.

“Ötən il “Kapital Bank”la Azərbaycan Dövlət İqtisad Universiteti arasında əməkdaşlıq memorandumu imzalanıb. Əməkdaşlıq çərçivəsində “Made in Azerbaijan” layihəsi keçirilib, həmçinin “İnnovativ Bankçılıq” laboratoriyası tələbələrin ixtiyarına verilib. Bu ilki müsabiqədə də bir sıra maraqlı biznes ideyalar təqdim edilib və ən yaxşıları seçilib. “Kapital Bank” gələcəkdə də İqtisad Universiteti ilə müxtəlif layihələrin həyata keçirilməsini planlaşdırır” – deyə, bankın İnsan Resurslarının İdarə edilməsi departamenti direktoru Fərqanə Məmmədova bildirib.

Azərbaycanda ən böyük filial şəbəkəsinə malik olan “Kapital Bank”, 91 filialı və 5 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya bankın müxtəlif sosial şəbəkələrdə olan səhifələrinə müraciət etmək olar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.