CƏMİYYƏT


Latviyada dünyada ən yaxşı stolüstü oyun icad edilib

Riqa, 21 iyun, AZƏRTAC

Latviyada yaradılmış “Ice Cool” adlı stolüstü oyun uşaqlar üçün dünyada ən yaxşı stolüstü oyun hesab edilib. “Skaties.lv” saytının yazdığına görə, bu ixtira Almaniyada nüfuzlu “Spiel des Jahres” (“İlin ən yaxşı oyunu”) mükafatına layiq görülüb.

1978-ci ildə təsis edilmiş “Spiel des Jahres” mükafatı ən yaxşı stolüstü oyunlara və kart oyunlarına görə təqdim edilir. Hazırda bu mükafat həmin sahədə dünyada ən nüfuzlu təltif hesab olunur.

“Ice Cool” oyunu “Brain Games” şirkətində yaradılıb. Xarici tərəfdaşların sayəsində bu gün həmin oyunun 15 beynəlxalq versiyası mövcuddur. Oyun özü isə 20-dən artıq dilə tərcümə edilib və 40-a yaxın ölkədə yayılıb.

“Ice Cool” oyununun nüsxələrinin sayı yüz minə yaxındır.

Nigar Cəfərli

AZƏRTAC-ın xüsusi müxbiri

Riqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.