SİYASƏT


MDB-nin qərargahında Azərbaycanda terrorizmə və ekstremizmə qarşı mübarizə sahəsində iş təcrübəsi müzakirə ediləcək

A+ A

 

Minsk, 2 sentyabr, AZƏRTAC

MDB-nin Belarus paytaxtındakı qərargahının mətbuat xidmətindən AZƏRTAC-a verilən məlumata görə, sentyabrın 7-də Minskdə MDB iştirakçısı olan dövlətlərin Baş Prokurorlarının Əlaqələndirmə Şurasının iclası keçiriləcək.

İclas iştirakçıları Azərbaycanda terrorizmə və digər zorakı ekstremizm təzahürlərinə qarşı mübarizə, Belarusda iqtisadi cinayətkarlığa qarşı mübarizə, Qazaxıstanda həbsxanalarda saxlanılanların sayının azaldılması üzrə iş təcrübəsini və başqa məsələləri müzakirə edəcəklər.

İclasda həmçinin, Qırğızıstanda seçkilər keçirilən dövrdə vətəndaşların biometrik məlumatlarından istifadə edilməklə qanuniliyin təmin edilməsi, Rusiyada cinayət məhkəmə icraatının məhkəməyəqədər mərhələsində yetkinlik yaşına çatmayanların hüquqlarının müdafiəsi, MDB ölkələrinin prokurorluqları ilə beynəlxalq hüquqi əməkdaşlıq sahəsində Moldova prokurorluğunun təcrübəsi və başqa məsələlərin də müzakirə edilməsi nəzərdə tutulur. Nürnberqdə beynəlxalq hərbi tribunalın 70 illiyinə dair bəyanat məsələsinə də baxılacaq.

Zeynal Ağazadə

AZƏRTAC-ın xüsusi müxbiri

Minsk

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.