CƏMİYYƏT


Masallıda "Bəbirləri mühafizə edək!" adlı ekoloji yay düşərgəsi təşkil olunub

A+ A

Bakı, 1 avqust, AZƏRTAC 

IDEA İctimai Birliyi, Ümumdünya Təbiəti Mühafizə Fondunun (WWF) Azərbaycan nümayəndəliyi və Təhsil Nazirliyinin Respublika Ekoloji Tərbiyə və Təcrübəçilik Mərkəzi "Qafqaz bəbirlərinin mühafizəsi" layihəsi çərçivəsində Masallı rayonunun Qəriblər kəndində "Bəbirləri mühafizə edək!" adlı ekoloji yay düşərgəsi təşkil edib.

İctimai Birlikdən AZƏRTAC-a bildirilib ki, yay düşərgəsində Masallı, Astara və Lənkəran rayonlarından 70-dən çox məktəbli iştirak edib. Məqsəd Qafqaz bəbirlərinin məskunlaşdığı yerlərin yaxınlığında yaşayan məktəblilərin bu nadir növ haqqında məlumatlandırılması və onun mühafizəsi işinin təbliğ edilməsi olub.

Düşərgədə məktəblilər bu nadir canlı növün qorunması, insan və ətraf mühit kimi mövzularda seminarlarda, ekoloji tədqiqat və müsabiqələrdə, bəbirlərin yaşadığı təbii mühitə ekskursiyalarda iştirak ediblər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.