REGİONLAR


Masallılılar Yeni ili yüksək əhvali-ruhiyyə ilə qarşılayırlar

Masallı, 31 dekabr, Bağır Əliyev, AZƏRTAC

Masallı şəhərinin mərkəzi meydanında Dünya Azərbaycanlılarının Həmrəylik Günü və Yeni ilin gəlişinə həsr olunmuş ümumrayon bayram tədbiri keçirilib.

AZƏRTAC xəbər verir ki, tədbir iştirakçıları əvvəlcə ümummilli lider Heydər Əliyevin abidəsi önünə gül dəstələri düzərək, xatirəsini ehtiramla yad ediblər.

Bayramsayağı bəzədilmiş meydanda keçirilən mərasimdə rayon icra hakimiyyətinin, hüquq-mühafizə orqanlarının məsul işçiləri, ictimaiyyətin nümayəndələri, ağsaqqallar, ziyalılar, idarə, müəssisə və təşkilatların rəhbərləri, təhsil və səhiyyə işçiləri, tələbələr, məktəblilər iştirak ediblər.

Şaxta baba və Qar qız Dünya Azərbaycanlılarının Həmrəylik Günü və Yeni ilin gəlişi münasibətilə rayon sakinlərinə xoş arzularını çatdırıblar.

Şənliyin aparıcıları Dünya Azərbaycanlılarının Həmrəylik Gününün təsis olunmasında ulu öndər Heydər Əliyevin xidmətlərindən və bu həmrəyliyi gündən-günə möhkəmləndirən Prezident İlham Əliyevin daxili və xarici siyasətinin səmərəli nəticələrindən söz açıb, ötən il rayonun əldə etdiyi uğurlardan danışıblar.

Mərasim rayonun bədii özfəaliyyət kollektivlərinin ifasında rəngarəng konsert proqramı ilə davam edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.