DÜNYA


Matua adasında yapon hərbçisinə məxsus iqamətgahın qalıqları aşkarlanıb

Bakı, 27 iyul, AZƏRTAC 

Rusiya Federasiyası Müdafiə Nazirliyinin və Rusiya Coğrafiya Cəmiyyətinin əməkdaşlarından ibarət ikinci ekspedisiya tərəfindən Matua adasında bir sıra tarixi faktlar aşkarlanıb.

AZƏRTAC runews24.ru saytına istinadla xəbər verir ki, ekspedisiya zamanı Kuril adaları qrupuna daxil olan bu adada Yaponiya qarnizon rəisinə məxsus iqamətgahın qalıqları tapılıb. Aşkarlanan obyekt müxtəlif sursatlarla və yeraltı keçidlərlə təchiz edilib. Bundan başqa, adada 110 metr dərinlikdə sualtı qayığa oxşayan obyekt də aşkarlanıb.

Hazırda Matua adasında arxeoloqlar, torpaqşünaslar, sualtı işləri mütəxəssisləri, hidrogeoloqlar və vulkanoloqlar çalışırlar. Moskva, Vladivostok, Kamçatka və Saxalindən adaya gələn mütəxəssislər burada dəniz sakinlərinin atlası üçün materiallar toplamaq niyyətindədirlər.

Ekspedisiya sentyabr ayına qədər davam edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.