CƏMİYYƏT


Məscidlərdə Aşura günü ilə əlaqədar keçirilən qanvermə aksiyalarında 1500 litrədək qan tədarük olunub [YENİLƏNİB] VİDEO

A+ A

Məscidlərdə Aşura günü ilə əlaqədar keçirilən qanvermə aksiyalarında 1500 litrədək qan tədarük olunub

14:00

Aşura günü ilə əlaqədar respublika üzrə 15 məscid və ziyarətgahda təşkil olunan könüllü qanvermə aksiyalarında 14.00-dək 3325 nəfər qan verib. Ümumilikdə 1496,3 litr qan tədarük olunub.

Bu barədə AZƏRTAC-a Səhiyyə Nazirliyinin mətbuat xidmətindən məlumat verilib.

11:21

Aşura günü ilə əlaqədar Səhiyyə Nazirliyi və Qafqaz Müsəlmanları İdarəsi tərəfindən irsi qan xəstəliklərindən əziyyət çəkənlərə yardım məqsədilə könüllü qanvermə aksiyaları keçirilir.

Səhiyyə Nazirliyinin mətbuat xidmətindən AZƏRTAC-a verilən məlumata görə, saat 11.00-dək ölkə üzrə 1559 nəfər qan verib. İndiyədək ümumilikdə 701,6 litr qan tədarük olunub.

10:05

Bakı, 12 oktyabr, AZƏRTAC

Aşura günü ilə əlaqədar Səhiyyə Nazirliyi və Qafqaz Müsəlmanları İdarəsi tərəfindən irsi qan xəstəliklərindən əziyyət çəkənlərə yardım məqsədilə könüllü qanvermə aksiyaları başlayıb.

Səhiyyə Nazirliyinin mətbuat xidmətindən AZƏRTAC-a verilən məlumata görə, indiyə qədər artıq 423 nəfər qan verib. Səhər saatları olmasına baxmayaraq qan vermək üçün gələn insanların sayı durmadan artır. Aksiyada iştirak etmək istəyən insanlar həkimlər tərəfindən müayinə olunurlar və onların qanlarındakı hemoqlobinin miqdarı yoxlanılır. Əgər hər şey qaydasındadırsa, insanlar donor kimi qan verirlər. Sonra götürülmüş qanlar Mərkəzi Qan Bankına göndərilir.

Qeyd edək ki, aksiyalar ölkənin 15 məscidində keçirilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.