MƏDƏNİYYƏT


Məşhur macar qrupu “Rotunda Jazz Club”da çıxış edib

A+ A

Bakı, 28 oktyabr, AZƏRTAC

Bakı Beynəlxalq Caz Festivalı çərçivəsində “Rotunda Jazz Club”da dünya şöhrətli “Djabe” qrupu çıxış edib.

AZƏRTAC xəbər verir ki, “Djabe” kollektivi Macarıstanda caz-rok musiqi janrında liderdir. Musiqiçilər yaradıcılıqlarında caz və rok elementlərini Macarıstan folkloru ilə sintez ediblər.

“Djabe” Afrikanın aşanti dilindən tərcümədə “azadlıq” deməkdir. 16 il əvvəl yaradılan qrupun təsisçisi, lideri və bəstəkarı gitaraçı Attila Egerhazidir. Kollektiv bir sıra beynəlxalq mükafatlara layiq görülüb.

Musiqiçilər dünyanın 41 ölkəsində çıxış edib. Hazırda qrupun diskoqrafiyasında səkkiz studiya albomu və çoxsaylı konsert CD və DVD-ləri var.

Kollektivin çıxışından sonra tədbir cem-seyşnla davam edib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.