DÜNYA


Nyu-Cersidə daha bir partlayış baş verib

A+ A

Bakı, 19 sentyabr, AZƏRTAC

Amerika Birləşmiş Ştatlarının Nyu-Cersi ştatında Elizabet dəmiryolu stansiyası rayonunda partlayış baş verib.

AZƏRTAC Rusiyanın NTV telekanalına istinadla xəbər verir ki, stansiyadakı zibil qutusunda əldəqayırma partlayıcının olduğu bağlama aşkar edilib. Polis stansiyadakı insanları təxliyə edib və hər iki istiqamətdə qatarların hərəkəti dayandırılıb. Hadisə yerinə gətirilmiş robot qurğunu zərərsizləşdirən zaman partlayış baş verib. Zərər çəkənlər barədə məlumat verilmir.

Xatırladaq ki, sentyabrın 17-də axşam saatlarında Nyu-Yorkun Manhetten rayonunda baş verən partlayış nəticəsində azı 29 nəfər yaralanıb. Elə həmin gün Nyu-Cersi ştatında daha bir partlayış qeydə alınıb.

İnsidentin baş verdiyi ərazilərdə işə düşməmiş digər partlayıcı qurğuların da aşkar edildiyi bildirilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.