CƏMİYYƏT


Sabunçuda Milli Dirçəliş Günü məcburi köçkünlərlə qeyd edilib

Bakı, 17 noyabr, AZƏRTAC

Sabunçu Rayon İcra Hakimiyyətinin təşkilatçılığı ilə 17 noyabr - Milli Dirçəliş Günü münasibətilə Pirşağı qəsəbəsindəki “Qızılqum” sanatoriyasında məskunlaşmış Xocalı rayonundan olan məcburi köçkünlərlə görüş keçirilib.

Görüşdə rayon icra hakimiyyəti aparatının əməkdaşları məcburi köçkünlərin məişət şəraiti və problemləri ilə tanış olub, onlara ərzaq yardımı ediblər.

Sabunçu Rayon İcra Hakimiyyəti başçısının müavini Arzu Məmmədova görüşdə Milli Dirçəliş Gününün tarixi haqqında məlumat verib. O, həmçinin Dağlıq Qarabağ münaqişəsinin sülh yolu ilə həlli, habelə qaçqın və məcburi köçkünlərin yaşayış şəraitinin yaxşılaşdırılması istiqamətində dövlətimizin başçısının həyata keçirdiyi siyasət barədə danışıb.

Göstərilən diqqət və qayğıya görə minnətdarlıqlarını bildirən məcburi köçkünlər Prezident İlham Əliyevin işğal olunmuş ərazilərimizin azad edilməsi, ölkəmizin sosial-iqtisadi inkişafının sürətləndirilməsi ilə bağlı gördüyü işləri dəstəklədiklərini bildiriblər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.