CƏMİYYƏT


Salyan və Ağstafa rayonlarında 406 partlamamış hərbi sursat aşkarlanıb

A+ A

Bakı, 7 oktyabr, AZƏRTAC

Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) mütəxəssisləri oktyabrın 7-də Fövqəladə Hallar Nazirliyinin Böhran Vəziyyətlərində İdarəetmə mərkəzinin məlumatına əsasən, bir qoruq ərazisinə və su kanalının yaxınlığında təhlükəli ərazilərə baxış keçiriblər. Baxış zamanı ümumilikdə 406 partlamamış hərbi sursat aşkar edilərək götürülüb, gün ərzində 3650 kvadratmetr ərazi yoxlanılıb.

Salyan rayonundakı Şirvan Milli Parkında iki partlamamış hərbi sursat - 93 millimetrlik tank əleyhinə “PQ-7VL” raketi və 140 millimetrlik “M-14 OF” raketi aşkar olunaraq götürülüb.

Ağstafa rayonunun Saloğlu qəsəbəsində su kanalının yaxınlığında əraziyə baxış olub. Nəticədə 404 partlamamış hərbi sursat – dörd ədəd 100 millimetrlik “BM-6” top mərmisi, bir ədəd 73 millimetrlik “OQ-9” raketi, bir ədəd “PQ-7” raketinin mühərrik hissəsi, bir ədəd 122 millimetrlik “A-1” top mərmisi, üç ədəd 40 millimetrlik “VOQ-25” qumbarası, üç ədəd siqnal raketi, üç ədəd 12x7 millimetrlik güllə gilizi, 341 ədəd 7x62 millimetrlik güllə, 32 ədəd 5x45 millimetrlik güllə, 16 ədəd tapança gülləsi, 100 və 122 millimetrlik iki top gilizi, bir ədəd güllə darağı (5x45 millimetrlik), bir ədəd “PQ-7” raketinin mühərrikinin qapaq hissəsi və iki ədəd “siqnal minası” aşkar edilərək götürülüb.

ANAMA-nın mətbuat xidmətindən AZƏRTAC-a bildiriblər ki, aprelin 7-dən oktyabrın 7-dək agentlik tərəfindən Zərdab, Tərtər, Ağcabədi, Ağdam, Bərdə, Füzuli, Goranboy, Tovuz, Qazax, Ağstafa, Samux, Göygöl, Şəmkir, Cəlilabad, Ucar, Astara, Salyan rayonlarında, Mingəçevir, Sumqayıt, Gəncə, Lənkəran, Şirvan və Bakı şəhərlərində, ümumilikdə, 646 ev və həyətyanı sahəyə, 3 hərbi hissəyə, 2 kənd qəbiristanlığına, 5 kənd orta məktəbinə, bir tibb məntəqəsinə, bir metal anbarına, 30 fermaya, əkin sahələrinə, bir şərab zavoduna, bir qoruq ərazisinə və bir çınqıl karxanasına baxış olub.

Nəticədə 3938 partlamamış hərbi sursat, piyada əleyhinə 15, o cümlədən üç “POMZ-2”, bir “OZM-72”, 2 ədəd “siqnal minası” və tank əleyhinə 42 mina aşkarlanaraq zərərsizləşdirilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.