CƏMİYYƏT


Şəkidə müharibə veteranları ilə görüş olmuşdur

Şəki, 1 may (AzərTAc). 1941-1945-ci illər Böyük Vətən müharibəsində faşizm üzərində Qələbənin 67-ci ildönümü ərəfəsində Milli Məclisin deputatı Cavanşir Feyziyev Şəki şəhərində müharibə veteranları ilə görüşmüş, onların qayğı və problemləri ilə maraqlanmışdır.
AzərTAc xəbər verir ki, tədbirdə müharibə veteranları, şəhər icra hakimiyyətinin, ictimai birliklərin və ictimaiyyətin nümayəndələri iştirak etmişlər.
Cavanşir Feyziyev müharibə veteranlarını qarşıdan gələn əlamətdar tarixi gün - faşizm üzərində Qələbənin 67-ci ildönümü münasibətilə təbrik etmiş, onlara cansağlığı arzulamışdır. Deputat altı yüz mindən artıq soydaşımızın iştirak etdiyi bu amansız müharibədə Azərbaycan xalqının ön və arxa cəbhələrdəki fədakarlıqlarından danışmış, tarixi Qələbənin əldə edilməsində Şəkinin igid oğul və qızlarının da böyük şücaətlər göstərdiyini, müharibədə iştirak etmiş 15 minə yaxın şəkili döyüşçüdən 9 mininin geri qayıtmadığını diqqətə çatdırmışdır. Qeyd olunmuşdur ki, hazırda rayonda 62 nəfər Böyük Vətən müharibəsi veteranı yaşayır.
Bildirilmişdir ki, ümummilli liderimiz Heydər Əliyevin hakimiyyətə qayıdışından sonra 9 May – Qələbə günü Azərbaycanda dövlət səviyyəsində qeyd edilir, bu siyasi xətt hazırda Prezident İlham Əliyev tərəfindən uğurla davam etdirilir. Böyük Vətən müharibəsi veteranlarına daim yüksək diqqət və qayğı göstərilir, onlara minik avtomobilləri verilir, birdəfəlik maddi yardımlar göstərilir.
Bayram süfrəsi ətrafında keçirilən görüşün sonunda müharibə veteranlarına, o cümlədən 100 yaşı tamam olmuş Şahverdi və Məmmədxan Əhmədovlara maddi yardım göstərilmişdir.
Tədbirdə çıxış edən veteranlar müharibənin dəhşətlərindən danışmış, görüşün təşkilinə görə minnətdarlıqlarını bildirmişlər.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.