CƏMİYYƏT


Sumqayıtda yanğın nəticəsində 3 nəfər tüstüdən zəhərlənib, 12 nəfər təxliyə olunub

A+ A

Bakı, 29 oktyabr, AZƏRTAC

Sumqayıtda yanğın nəticəsində 3 nəfər tüstüdən zəhərlənib, 12 nəfər təxliyə olunub.

AZƏRTAC Fövqəladə Hallar Nazirliyinin saytına istinadla xəbər verir ki, Sumqayıt şəhərində vətəndaşa məxsus ümumi sahəsi 150 kvadratmetr olan kafenin mətbəxinin yanar konstruksiyaları 50 kvadratmetr sahədə yanıb. Bitişik tikilmiş, sahəsi 200 kvadratmetr olan kafenin tavanının 25 kvadratmetrlik hissəsi yüksək temperaturdan əriyib.

Yanğın zamanı yaşayış binasından 12 sakin yanğınsöndürənlər tərəfindən təxliyə olunub, 3 nəfər tüstüdən zəhərlənmiş halda xilas edilərək təcili tibbi yardım xidmətinə təhvil verilib.

Hər iki kafenin qalan hissəsi və yaşayış binası yanğından mühafizə olunub. Yanğın saat 02:59-da yanğınsöndürənlər tərəfindən söndürülüb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.