MƏDƏNİYYƏT


Tanınmış yazıçının yeni kitabı çapdan çıxıb

Bakı, 16 iyun, Zərəngiz Mansurova, AZƏRTAC

“Günəş” MMC-nin nəşriyyatında tanınmış yazıçı-publisist, filologiya üzrə fəlsəfə doktoru Salatın Əhmədlinin 60 illik yubileyi münasibətilə “Salatın Əhmədli 60” kitabı çapdan çıxıb.

AZƏRTAC xəbər verir ki, kitabda elm, mədəniyyət, ədəbiyyat və incəsənət xadimlərinin yazıçı-publisistin yaradıcılığı haqqında söylədikləri və dövri mətbuatda dərc etdirdikləri yazılar, məruzələr dərc edilib.

Nəsrdə yazıçı-publisistin haqqında Xalq şairləri Nəriman Həsənzadə, Söhrab Tahir, akademiklər -Teymur Bünyadov, Budaq Budaqov, Nizami Cəfərov, Xalq Yazıçısı Çingiz Abdullayev və digər tanınmış ziyalıların müxtəlif zamanlarda söylədikləri fikirləri çap olunub, kitabda həm də ömrün ayrı-ayrı məqamlarını əks etdirən fotoları yer alıb.

Kitabın “Ön söz”ündə Azərbaycan Yazıçılar Birliyinin katibi İlqar Fəhmi yazır: “Mənim aləmimdə Salatın Əhmədlinin ən böyük nailiyyəti ondan ibarətdir ki, o, yazdıqlarında olduğu kimidir”.

Kitabı şəhərin kitab mağazalarından almaq olar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.